ഘര്ഷണബലം (Frictional Force)
- ഒരു വസ്തു മറ്റൊരു വസ്തുവില് സ്പര്ശിച്ചുകൊണ്ട് ചലിക്കുമ്പോള് അവയ്ക്കിടയില് സമാന്തരമായി സംജാതമാകുന്ന ബലം.
- വസ്തുവിന്റെ ഭാരം കൂടുന്നതിനനുസരിച്ച് ഘര്ഷണ ബലം കൂടും.
- പ്രതലത്തില് മിനുസം കൂടും തോറും ഘര്ഷണബലം കുറയുകയും പരുക്കന് ആകുമ്പോള് ഘര്ഷണബലം കൂടുകയും ചെയ്യുന്നു.
- ഘര്ഷണ ബലം കുറയ്ക്കാന് ഉപയോഗിക്കുന്ന രീതികള്.മിനുസപ്പെടുത്തല്, എണ്ണയിടല്, ബോള് ബെയറിങ്ങുകള്
ശ്യാനബലം (Viscocity)
- ചലിച്ചുകൊണ്ടിരിക്കുന്ന ദ്രാവക പാളികള്ക്കിടയില് അനുഭവപ്പെടുന്ന ഘര്ഷണ ബലമാണ്.
- വെള്ളത്തെക്കാള് വിസ്കോസിറ്റി കൂടിയ ദ്രാവങ്ങള് – എണ്ണ, തേന്, ഗ്ലിസറിന്
- വിസ്കോസിറ്റി ഇല്ലാത്ത ദ്രാവകങ്ങള് – സൂപ്പര് ഫ്ളുയിഡുകള്
- ഊഷ്മാവ് കൂടുമ്പോള് ദ്രാവകങ്ങളുടെ വിസ്കോസിറ്റി കുറയുന്നു.
ഇലാസ്തികത (Elasticity)
- ഒരു വസ്തുവില് ബലം പ്രയോഗിക്കുമ്പോള് അതിന് എതിരായി ആ വസ്തുവില് ഉണ്ടാകുന്ന ആന്തരിക ബലം.
- സ്റ്റീലിന്റെ ഇലാസ്തികത റബ്ബറിനേക്കാള് കൂടുതലാണ്.
പ്രതലബലം (Surface Tension)
- ഒരു ദ്രാവകപാടയോ ദ്രാവകോപരിതലമോ അതിന്റെ വിസ്തീര്ണ്ണം പരമാവധി കുറയ്ക്കാന് വേണ്ടി ഉളവാകുന്ന ബലം.
- സോപ്പു ചേര്ക്കുമ്പോള് ജലത്തിന്റെ പ്രതലബലം കുറയുന്നു. മഴത്തുള്ളികളുടെ ഗോളാകൃതിയ്ക്ക് കാരണം പ്രതലബലമാണ്.
ആര്ക്കിമിഡീസ് തത്വം
ഒരു വസ്തു പൂര്ണ്ണമായോ ഭാഗികമായോ ഒരു ദ്രവത്തില് മുങ്ങിയിരിക്കുമ്പോള് അതിന് അനുഭവപ്പെടുന്ന പ്ലവക്ഷബലം ആ വസ്തു ആദേശം ചെയ്യുന്ന ദ്രാവകത്തിന്റെ ഭാരത്തിന് തുല്യമായിരിക്കും.
പ്ലവനതത്വം
ഒരു വസ്തു ഒരു ദ്രാവകത്തില് പൊങ്ങിക്കിടക്കുമ്പോള് വസ്തുവിന്റെ ഭാരം അത് ആദേശം ചെയ്യുന്ന ദ്രവത്തിന്റെ ഭാരത്തിന് തുല്യമായിരിക്കും.
പ്ലവക്ഷമബലം (Buoyant Force)
- ഒരു ദ്രവത്തില് ഭാഗകമായോ പൂര്ണ്ണമായോ മുങ്ങിയിരിക്കുന്ന വസ്തുവില് ദ്രവം മുകളിലോട്ട് പ്രയോഗിക്കുന്ന ബലമാണ്.
- കപ്പല് ജലത്തില് പൊങ്ങി കിടക്കാന് കാരണം – പ്ലവക്ഷമ ബലം ആണ്.
കേശികത്വം (Capillarity)
- സൂക്ഷ്മസുഷിരങ്ങളിലൂടെ ഭൂഗുരുത്വാകര്ഷണ ബലത്തെ മറികടന്ന് ദ്രാവകങ്ങള്ക്ക് ഉയരാനുള്ള കഴിവ്. Eg : ചെടികള് ജലം വലിച്ചെടുക്കുന്നത്.
- വിളക്ക് തിരിയില് എണ്ണ മുകളിലേക്ക് കയറുന്നു.
- കേശിക താഴ്ച കാണിക്കുന്ന ദ്രാവകം – മെര്ക്കുറി
അഭികേന്ദ്രബലം (Centripetal Force)
- പരിക്രമണം ചെയ്തുകൊണ്ടിരിക്കുന്ന ഒരു വസ്തുവിന് അന്യാരത്വരണം ഉണ്ടാകുന്നത് കാരണമാകുന്ന ബലം.
- ഒരു കല്ല് ചരടില് കെട്ടി കറക്കുമ്പോള് കല്ലിന് മേല് കൈ പ്രയോഗിക്കുന്ന ബലം.
അപകേന്ദ്രബലം (Centrifugal Force)
- അഭികേന്ദ്രം ബലം പ്രയോഗിക്കുന്ന വസ്തുവില് മേല് പരിക്രമണം ചെയ്യുന്ന വസ്തു പ്രയോഗിക്കുന്ന ബലം.
- തൈര് കടയുമ്പോള് വെണ്ണ ലഭിക്കുന്നതിന് കാരണം.
ആവേഗ ബലം (Impulsive force)
- കുറഞ്ഞ സമയം കൊണ്ട് പ്രയോഗിക്കപ്പെടുന്ന വലിയ ബലം.
- ആവേഗ ബലം – ബലംഃസമയം Eg : ആണി ചുറ്റികകൊണ്ട് അടിക്കുമ്പോള്
Recent Comments